फोटो कविता

पुल

The Bridge
तीर्थ श्रेष्ठ

 

बालापन

र यौवनबीचको
पुल कस्तो हुन्छ ?

उमेरको हाँगो हल्लाई हल्लाई मच्चिरहेकाले
झरेका फूलहरू जस्तो हुन्छ
कि आकाशका ताराहरू टिपेर

समयको उदास छातीमा
टाँगिदिएपछिको समय जस्तो हुन्छ ?

बालापन र यौवनबीचको पुल कस्तो हुन्छ ?

आकाशमा जून उदाएपछि
देखिने ताराहरूको मुस्कान जस्तो हुन्छ

कि मङ्सिरमा भेटिने भकारीको उन्माद जस्तो हुन्छ ?

म सत्य भन्छु
सत्यको उज्यालोमा मलाई हेर्ने मन छ
बालापन र यौवनबीचको पुल कस्तो हुन्छ ?

 



अतिथि चित्रकार

सङ्गीत र कविता वाचन

मूर्तिकला

फोटो ग्यालरी

हाम्रा सम्मान र पुरस्कारको प्रोफाइल