विश्वसाहित्य

शोटोकान

Shotokan
पिटर सेमोलिक (स्लोभेनिया)

(काट्यालाई समर्पित)

अहिलेको लागि तिमी अझै पूर्ण रुपमा यही छौ, तिम्रा आमा, बुवा, र
तिम्री घनिष्ठ साथी अर्थात् विवाहित र गाउँमा बस्ने तिम्री दिदीसँग ।
तिमी आफ्ना दर्शक र निर्णायकलाई नियाल्छ्यौ
र तिम्रो प्रशिक्षक जो अर्ध पूर्णतालाई ध्यानपूर्वक अवलोकन गर्छन्
जसप्रति तिमी ऋणी छौ
तिमी शिर निहुराउँछ्यौ र आधारभूत अवस्थामा तयार हुन्छ्यौ
तिमी एन्पी काता प्रदर्शन ग-छ्यौ
तिम्रो उमेरको लागि सायद यो धेरै कष्टसाध्य छ
तर पक्का हो, यो तिमीलाई अति सुन्दर लाग्छ
र तिमीलाई जे सुन्दर हुन्छ त्यो राम्रो पनि लाग्छ
र त्यो तिमीलाई मिलाएर सिलाइएको स्कर्ट जस्तो सुहाउँछ
तिमी सुन्दरता र पदार्थको संगतीमा विश्वास ग-छ्यौ ।
तिमी खेलमा प्रथम ठहरिन्छ्यौ ।
तिमी तेह्र वर्षकी भयौ र किशोरावस्थाको असुरक्षा
र जीवनको अर्थ बारेको पहिलो प्रश्नले अल्झिएकी छौ ।
तिम्रो रुपले निम्त्याउने समस्याहरु छन्- के म साँच्चै राम्री छु
वा ऊ केवल मलाई खिस्सी गरिरहेको छ ?
तर यहाँ वा अहिल्यै होइन- उडानमा रहेको एउटा गौथली
१६८३ ताका जापानको कुनै ठाउँमा जन्मियो
छत्तिस चिनियाँ परिवार मध्येको एउटा परिवारमा सायद ।
तिमी सास लिन्छ्यौ ।
र तिमी कसरी सास आफूमा केन्द्रीत हुन्छ भन्ने महशुस ग-छ्यौ:
कसरी दर्शकहरु लस्करै हराउँदै जान्छन्
जसरी रसोमनबाट मारिएका जापानी सिपाहीका आत्माहरु
हराउँछन् पहिलो चिच्याहाटबाट
शारिरीक अवस्थालाई मेहेनतपूर्वक तयार पार्छ्यौः
र पहिलो मुक्कासँगै तिम्रो बुवा हराउँछन्, र
प्रतिरक्षासँगै आमा र दिदी पनि हराउँछन् ।
तिमी विजयी हुन आएकी थियौ, तर
उफ्राई र हावामा फर्काइसँगै जित्ने चाहाना पनि हराउँछ ।
सबथोक लोप हुन्छ ।
र प्रत्येक चालमा अस्तित्व सहितकी तिमी मात्र बाँकी हुन्छ्यौ
सास लिने र फाल्ने, कहिलेकाही कराउने
यहाँ र अहिले मात्र तिमी बाँकी हुन्छ्यौ ।
तिमी गयौ । हामीबाट चिप्लियौ र बुझ्न नसकिने भयौ-
एउटा वास्तविक गौथली जो क्षितिजमा विलिन भयो
हामीलाई थाहा छैन, तिमी आफ्नो पुरानो गुँडमा फर्कन्छौ वा फर्कन्नौ
पुरानो सम्झना, र तिम्रो वास्तविकपन महशुस गर्ने बाटो
त्यो सबै दुर्घटित हुन्छ, र हामी सबै तिम्रो दृष्टिमा जन्मिन्छौ
तिम्रो कानको कवचमा ।
यौन संसर्गपछिको स्खलनको आनन्दजस्तै
तिमी हाम्रो अगाडी उभिएकी छौ- बलिष्ठ तर सजिलै टुट्न सक्ने एउटा केटी
फर्किएको गौथली जस्तो जसले केही समयका लागि
हामीलाई आफ्नो प्वाँख छुन दिएको छ
जुन अकल्पनीय दुरीबाट शितले छोपिएको छ  ।


(अङ्ग्रेजीबाट अनुवाद प्रतिक्षा कट्टेल)



अतिथि चित्रकार

सङ्गीत र कविता वाचन

मूर्तिकला

हाम्रा गतिविधिहरू

फोटो ग्यालरी

हाम्रा सम्मान र पुरस्कारको प्रोफाइल