नेपाली कलासाहित्य डट कम प्रतिष्ठान

विश्वसाहित्य:


छादोर वाङ्ग्मो

मृत्युः कसरी आउँछस् तँ?

के तँ नदेखिने गरी
चालमारेर आउँछस्
र मलाई एक्लै पारेर सुँघ्छस् ?

के तँ मेरा आँखाका ढकनीमाथि तुर्लुङ्ग झुन्डिएर
निद्राको वेशमा आउँछस्
र मलाई थुम्मुम्याएर
सधैँका लागि निदाएको निदाएकै बनाउँछस् ?

के तँ आफ्ना सबै प्रभुत्वसहित
मेरा चञ्चल वेदनाहरूलाई हकार्दै
पीडादायक रोगहरूले मलाई जिस्काउँदै
र मेरा चेतनाहरूलाई एकएक गरी मार्दै आउँछस्?

वा केही नभनी आउँछस् तँ
सघैँकै जसरी–
जब मलाई जीवनको सबैभन्दा ज्यादा आवस्यकता परेको हुन्छ
जब म आफ्नो क्षितिजलाई फैल्याउन चाहिरहेकी हुन्छु
जब म मेरो अमरत्वलाई तन्काउन खोजिरहेकी हुन्छु ।

दया गरेर भन्दे मलाई,
कहिले आउँछस् तँ
र, कसरी आउँछस् ?

(अङ्ग्रेजीबाट सुमन पोखरेलद्वारा अनुदित)

परिचय
छादोर वाङ्ग्मो भूटानी द्वीभाषी कवि तथा उपन्यासकार हुन् । उनी दोङ्खा तथा अङ्ग्रेजी भाषामा लेख्ने गर्दिन् । उनका दोङ्खा भाषामा दुईवटा उपन्यास तथा अङ्ग्रेजीमा नौ वटा कृतिहरू प्रकाशित रहेका छन् ।







प्रकाशक :
नेपाली कलासाहित्य डट कम प्रतिष्ठान

विशिष्ट सल्लाहकार :
एस्पी कोइराला

सल्लाहकार :
उमेश श्रेष्ठ
मोहनबहादुर कायस्थ
राधेश्याम लेकाली
योगराज गौतम
डा. हरिप्रसाद (मानसाग्नि)
डा. बद्री पोख्रेल
योगेन्द्र कुमार कार्की
राजेन्द्र शलभ
कपिलदेव थापा
समीर जंग शाह
सल्लाहकार सम्पादक :
राजेश्वर कार्की

प्रधान सम्पादक :
मोमिला जोशी

अनुवाद-सिर्जना :
महेश पौड्याल 'प्रारम्भ'
कुमार नगरकोटी
सुरेश हाचेकाली
केशव सिग्देल


वेबसाइट डेभलपमेन्ट समूह:
शैलेन्द्र अधिकारी
सुधीर श्रेष्ठ


वेबसाइट डिजाईन:
मदन कुमार भुजु