विश्वसाहित्य:
क्रिस्टोफर ओकेम्वा
(केन्या)
चरनमा गोधुली (कविता)
चरनमा मौनता छ, गहिरो र सुगन्धित
जताततै फक्रिरहेका गोदावरीको बासनाले
गोधुलीको पहिलो प्रहर हरियो घाँसमा लठ्ठीएको छ
झाडीहरुलाई शान्ति र वैभवले छोपिदिएको छ
र काठका छेकवार र पाकिरहेका अम्बाका रुखहरु
सूर्यास्तको सुन्तला रङ्को चमक र मनोहरताले ढाकिएको छ
हुर्किरहेका मकै र कोदोका बोटहरुले
बाक्लो ज्याकेटलाई चुम्छन्, न्यानो पाइजामालाई अँगालो हाल्छन्
जसै म संघर्ष गर्छु बाटो छिचोल्न, स्वारीले प्रेमपूर्वक अभिवादन गर्छन्
थोप्लाजस्ता गिद्धका आकृतिले निलो आकाशलाई सुसज्जित पार्छन्
जो हावामा उडिरहेछन् अल्छी पाराले । आकाश सफा छ
जून अब उघ्रिदैं छ, फिक्का तर झण्डै गोलाकार भएर ।
अनुवादः केशव सिग्देल