नेपाली कलासाहित्य डट कम प्रतिष्ठान

विश्वसाहित्य:


एही जोगी (नाइजेरिया)

म मर्नु भन्दा एक दिन अघि

म सूर्यका हातहरुलाई लेख्न सघाउनेछु
सुनौ प्लेटमा मेरा चाँदनी कर्महरु
अनि जूनमा म मेरो कोठरीमा बस्नेछु, र
पृथ्वीको चित्र बनाउनेछु, र त्यसलाई
टल्किने ताराहरुको फ्रेममा राख्नेछु,
र प्रस्थानका केही प्रश्न सोध्नेछु स्फटिकहरुले ।
सुख्खा आँशुले म अलिखित दस्तावेज लेख्नेछु
मेरो प्रेमीकाको बाँया हत्केलामा र
फर्किएर आमासँग जानलाई उनलाई विदा दिनेछु किनकी
केवल उनीमात्र बुझ्छिन् भित्तामा लेखिएका अक्षरहरु ।
सिरानीलाई मेरो इच्छाका बारेमा नसोध्नु, किनकी
त्यो त मेरो नलीहाडमा छोपिएको छ ।
प्वित्र ग्रन्थमा म एउटा कविता पंक्ति थप्नेछु
र एउटा लोकप्रिय कहावत कोर्नेछु
जसले मेरो मृत्युको खिल्ली उडाओस् ।
मेरो नवौं जीवनको दशौं अंशले
म उनको अनुहारमा थुक्नेछु
र उनलाई भन्नेछु— धिक्कार होस्, ए पराजयिता!
तिमीले मेरो आत्मा चोर्यौ र त्यसको पादतललाई
आजिवन बालुवाको जिम्मा लगायौ—
मेरा साथीहरुको ह्रदय र शत्रुहरुको टाउकोमा ।
र मेरो अन्तिम श्वास लिनु अघि
म यो कविता हुलाकीलाई जिम्मा लगाउनेछु—
एउटा नश्वर रुपान्तरणको अन्तिम अवस्था,
त्यसपछि...निद्रामा आँखा चिम्लिन्छु ।

(अङ्ग्रेजीबाट अनुवाद : केशव सिग्देल)







प्रकाशक :
नेपाली कलासाहित्य डट कम प्रतिष्ठान

विशिष्ट सल्लाहकार :
एस्पी कोइराला

सल्लाहकार :
उमेश श्रेष्ठ
मोहनबहादुर कायस्थ
राधेश्याम लेकाली
योगराज गौतम
डा. हरिप्रसाद (मानसाग्नि)
डा. बद्री पोख्रेल
योगेन्द्र कुमार कार्की
राजेन्द्र शलभ
कपिलदेव थापा
समीर जंग शाह
सल्लाहकार सम्पादक :
राजेश्वर कार्की

प्रधान सम्पादक :
मोमिला जोशी

अनुवाद-सिर्जना :
महेश पौड्याल 'प्रारम्भ'
कुमार नगरकोटी
सुरेश हाचेकाली
केशव सिग्देल


वेबसाइट डेभलपमेन्ट समूह:
शैलेन्द्र अधिकारी
सुधीर श्रेष्ठ


वेबसाइट डिजाईन:
मदन कुमार भुजु