नेपाली कलासाहित्य डट कम प्रतिष्ठान

कविता:


मनु मन्जिल

बाघ

निश्चित छ अब कुनै दिन बाघ
इतिहासमा पसेको खबर छापिनेछ
अखबारमा ।

छुन नसकिने त्यो सौन्दर्य रहनेछैन
पुग्न नसकिने ओढारहरू रहनेछैनन् ।

अँध्यारा गोप्यताहरू घाममा छरिनेछन्
आँखामा आगो बोकेर कोही हिँड्नेछैन
शब्द–शब्दमा प्रलय बोल्ने कोही हुनेछैन ।

जङ्गलमा आदिम क्रोधको तारा अस्ताउनेछ
हरियो समुद्रको सुन्दर लहर त्यहीँ डुब्नेछ
बच्चाहरू पनि खेल खेल्न जङ्गल पस्नेछन् ।

अँध्याराको गाढापन, भयको सघनता सकिनेछ
हरिया रूखपातले मात्रै
जङ्गलको सौन्दर्य बचाउन सक्नेछैनन्
जङ्गल सिर्फ नायकले छाडी हिँडेको
यौटा कथा रहनेछ ।

जित्न हिँडेको मान्छे लम्किरहनेछ शून्यमा ।
त्रासदीको मञ्च खाली रहनेछ
र हराउनेछ वीर स–साना कमजोरीहरूमाझ ।







प्रकाशक :
नेपाली कलासाहित्य डट कम प्रतिष्ठान

विशिष्ट सल्लाहकार :
एस्पी कोइराला

सल्लाहकार :
उमेश श्रेष्ठ
मोहनबहादुर कायस्थ
राधेश्याम लेकाली
योगराज गौतम
डा. हरिप्रसाद (मानसाग्नि)
डा. बद्री पोख्रेल
योगेन्द्र कुमार कार्की
राजेन्द्र शलभ
कपिलदेव थापा
समीर जंग शाह
सल्लाहकार सम्पादक :
राजेश्वर कार्की

प्रधान सम्पादक :
मोमिला जोशी

अनुवाद-सिर्जना :
महेश पौड्याल 'प्रारम्भ'
कुमार नगरकोटी
सुरेश हाचेकाली
केशव सिग्देल


वेबसाइट डेभलपर :
शैलेन्द्र अधिकारी
सामाजिक सञ्जाल :