नेपाली कलासाहित्य डट कम प्रतिष्ठान

विश्वसाहित्य:


टामी मेलोडी गोमेज
(अमेरिका)

एउटा झण्डा (र अरु दिग्भ्रमित भावनाहरु)को प्रशस्ती (कविता)

(ब्री न्यूसम, मा. चाल्र्स मुर र सबै स्वतन्त्रता संघर्षका योद्धाहरुमा समर्पित)

तिमी जब त्यो ठडिएको खाँबो नजिक पुग्छौ
अलि पर¬¬—
स्कूलको चौरमा,
अदालतमा,
अथवा
गभर्नरको दरबारमा

के तिमी झण्डा फहराउने आँट गर्दैनौ
जुन गलेको छ रगत र भयले
मक्किएर र नैराश्यले
तिमी कहिल्यै यता आउन नखोज्नु
नजिक आउन
त्यो झण्डा लिएर
जबसम्म त्यो कपडाको टुक्राले
त्यसमा प्रतिबिम्बित आदर्शको प्रेरणाले
उज्यालोतिर आफ्नो अनुहार देखाउने छैन
र आफ्नो पाउमा आएको बालकलाई स्विकार गर्न
आमाले घुँडा टेकेर
गर्ने छैनन् सडकमा शान्तिको घोषणा ।

तिम्रो रंगभेदी गार्डले
मलाई त्यसरी असुरक्षित (महशुस) गराउँछ
र मेरो सुरक्षा अनिश्चित पार्छ कि
मलाई लुक्नु परोस् र देखिन मन नलागोस्
त्यसोभए धोऊ त्यो रङ्ग जसमा धब्बा लागेको छ
हामी शोक गर्नेछौं त्यस धब्बाका लागि
जुन मयलजसरी पखालिनेछ ।

यदि तिम्रा ताराहरु, निशान छापहरु,
र धर्साका डिजाइनहरु
निराशापूर्वक भत्किएका हुन् भने
सायद जर्नेलहरुले, योद्धाहरुले,
र दस्तावेजमा हस्ताक्षर गर्नेहरुले समावेश गर्न विर्सिएछन्
“समान”, “सबै जनता”
र “कहिल्यै हुनेछैन युद्ध” भन्ने शब्दहरु
र त्यसै अनुसार बुनियो झण्डाको यो ढाँचा ।

मैले हेर्नुपर्ने अन्तिम वस्तु हो
फरफराइरहेको कुनै चिज
जो गर्धनमा झुण्ड्याइएको छ
जसले हुत्याउँछ मलाई
र तल्लो दर्जाको करार गर्छ ।

त्यस्ता ब्यानरहरुलाई
तलपट्टी बेरेरै राखिएको बेस
र ति परेडहरुलाई
एउटा झलमलाउने दिनका लागि सुरक्षित राखियोस्
जहाँ हामीमाथि वर्षिएको हुने छैन घृणा ।

अनुवादः केशव सिग्देल






प्रकाशक :
नेपाली कलासाहित्य डट कम प्रतिष्ठान

विशिष्ट सल्लाहकार :
एस्पी कोइराला

सल्लाहकार :
उमेश श्रेष्ठ
मोहनबहादुर कायस्थ
राधेश्याम लेकाली
योगराज गौतम
डा. हरिप्रसाद (मानसाग्नि)
डा. बद्री पोख्रेल
योगेन्द्र कुमार कार्की
राजेन्द्र शलभ
कपिलदेव थापा
समीर जंग शाह
सल्लाहकार सम्पादक :
राजेश्वर कार्की

प्रधान सम्पादक :
मोमिला जोशी

अनुवाद-सिर्जना :
महेश पौड्याल 'प्रारम्भ'
कुमार नगरकोटी
सुरेश हाचेकाली
केशव सिग्देल


वेबसाइट डेभलपर :
शैलेन्द्र अधिकारी
सामाजिक सञ्जाल :