कविता:
मोमिला
युद्धग्रस्त बालिकाको चीत्कार
आज म संसारकै सबैभन्दा दुःखी मान्छे
किनकि मैले पढ्ने पुस्तकभरि
आँखैसामु मान्छेका आलो रगत लत्पतिएको छ
म, मेरो आँसुले पुस्तकमा लागेको रगत पखाल्दै छु
किनकि, यस पुस्तकमा
मैले पढ्न बॅाकी र बुझ्न बॅाकी धेरै कुराहरू छन्
हेर्दाहेर्दै मेरो स्कुल, पुस्तकालय,घर सबै जलाइसके
मेरो मुस्कानसँगै मेरा आफन्तहरू पनि जलिसके
अब यो पुस्तकसॅंगै मलाई पनि जलाउन सक्छन् !
हे अल्लाह! यो पुस्तक चाहिं जसरी नि बचाइदिनू !
किनभने, हिंसाको जीत बॅाचेकाहरूले पढ्नुपर्ने
'प्रेम र शान्ति' को गीत यसैमा लेखिएको छ।।।
