नेपाली कलासाहित्य डट कम प्रतिष्ठान

चित्र र कविता:

कामना




सन्ध्या रेग्मी

"सूर्यास्तको स्वर्णिम आभा सगरमाथामा"

नेपाली छातीभरि हिमश्रृङ्खला नाचिरहून्
नेपाली ओठभरि लालीगुराँस हाँसिरहून्
नेपाली आँखाहरूले इन्द्रेणी सपना साँचिरहून्
नेपाली हातहरूले पसीनाका माला गाँसिरहून् ।

नेपाली कण्ठहरूले ‘चरैवेति’ गाइरहून्
नेपाली ललाटहरूले आशीर्वाद पाइरहून्
नेपाली मुहारभरि दिव्य कान्ति छाइरहून्
नेपाली हत्केलाभरि कर्मकै सुवास आइरहून् ।

नेपाली पाउहरूलाई सफलताले चुमिरहून्
नेपाली पाइलाहरूलाई शुभग्रहले घुमिरहून्
नेपाली मझेरीभरि घाम–जून डुलिरहून्
नेपाली आँगनभरि पारिजात फुलिरहून् ।

नेपाली पाखुरीभरि अमरसिंह बसिरहून्
नेपाली रगतभरि बलभद्र बगिरहून्
नेपाली परेलीभरि भृकुटी सजिरहून्
नेपाली ह्दयभरि पासाङ् ल्हामू बलिरहून् ।

हिमालले नेपालको शान बढाइरहून्
देशका लागि नेपालीले प्राण चढाइरहून्
धरतीभरि समर्पणका नदी बगाइरहून्
आकाशभरि सुकीर्तिका तारा चम्काइरहून् ।

घाउहरू म्वाइँ बनून् आँसु सब प्रीत
चट्टान पनि फूल बनून् हार सब जीत
जगत्भरि टल्किरहून् पसिनाकै शीत
क्षितिजभरि गुञ्जिरहून् सिर्जनाकै गीत ।







प्रकाशक :
नेपाली कलासाहित्य डट कम प्रतिष्ठान

विशिष्ट सल्लाहकार :
एस्पी कोइराला

सल्लाहकार :
उमेश श्रेष्ठ
मोहनबहादुर कायस्थ
राधेश्याम लेकाली
योगराज गौतम
डा. हरिप्रसाद (मानसाग्नि)
डा. बद्री पोख्रेल
योगेन्द्र कुमार कार्की
राजेन्द्र शलभ
कपिलदेव थापा
समीर जंग शाह
सल्लाहकार सम्पादक :
राजेश्वर कार्की

प्रधान सम्पादक :
मोमिला जोशी

अनुवाद-सिर्जना :
महेश पौड्याल 'प्रारम्भ'
कुमार नगरकोटी
सुरेश हाचेकाली
केशव सिग्देल


वेबसाइट डेभलपमेन्ट समूह:
शैलेन्द्र अधिकारी
सुधीर श्रेष्ठ


वेबसाइट डिजाईन:
मदन कुमार भुजु