विश्वसाहित्य:
ज्याक हर्षम्यान
(अमेरिका)
खुशी (कविता)
आत्माको एउटा खुशी, एउटा आनन्द
प्रत्येक मानिसभित्र जिउँदै पुरिएको
र विर्सिइएको छ ।
यो कुनै भट्टीपसलको मजाक
वा कोमल र घनिष्ठ हास्य
वा मैत्रिय सद्भाव
वा गहिरो र प्रष्ट श्लेशालंकार होइन ।
उनीहरु उत्तरजीवीहरु हुन्
जिउँदैै पुरिएर
खुशीले चियाउन छाडेपछि जे जे भयो
त्यो समयका ।
उनीहरुले वर्तमानको आँखाले हेरेनन्
र हामीमध्ये कोही मर्दा पनि
त्यसलाई प्रदर्शित गरेनन्
सबैथोक छाडेर हामीहरु निस्कियौं, एक्लै
हामीमा जेजति छाडिएको थियो
त्यसबाट मानिस हुन खोज्यौं
मानवीय नभइकनै
त्यो खुशी बिनै ।
अनुवादः केशव सिग्देल
