फोटो कविता:
मञ्जुल
गाउँघरको अँध्यारो
मानिसहरूभन्दा
पचास खण्ड कहालिएर रुन्छ घरको अँध्यारो
घरको सुनसान
घरको चकमन्नता
यस्तो एउटा गाउँ
जहाँ बूढी आमा त हुनुहुन्छ
तर छैनन् उहाँका युवा सन्तानहरू
जहाँ युवाका पत्नीहरू त छन्
तर छैनन् खुदै युवाहरू
घरको चकमन्नता मात्र होइन
चैतारीको चकमन्नता पनि रुन्छ
व्नपाखाको चकमन्नता पनि रुन्छ
कसका लागि ल्याएको
तिम्रो प्रजातन्त्र ?
मात्र तिम्रा क्षुद्र स्वार्थहरूका लागि !
गाउँका सिलसिला मानिसहरूभन्दा
पचास खण्ड कहालिएर रुन्छ
उनीहरूको घरघरको अँध्यारो !
